„კალაძე, რომელიც პატარა ბავშვივით აღფრთოვანებული იყო შვიდ სულ ქურდთან ხელის ჩამორთმევით, საუბრობს, რომ თურმე NATO-ს არ ჰქონია ერთი ადგილი… არ ჯობს ფეხბურთს მიხედოს?!” – ასე ეხმაურება „სტრატეგია აღმაშენებლის“ გენერალური მდივანი, პაატა მანჯგალაძე „ქართული ოცნების“ გენერალური მდივნის, კახა კალაძის მიმართვა ჩრდილოატლანტიკური ალიანსისადმი – “თუ გაქვთ რაიმეს თავი და ერთი ადგილი, მიიღეთ გადაწყვეტილება, მიიღეთ ჩვენი ქვეყანა და გახადეთ NATO-ს წევრი…“:
როგორც ოპოზიციონერი დეპუტატი აღნიშნავს, კალაძე ანტიდასავლური გზავნილებით გამოირჩევა. მისივე თქმით, მას არ აქვს საკმარისი კომპეტენცია და აჯობებს მიხედოს იმ საქმეს, რაც იცის:
„კალაძე, რომელიც პატარა ბავშვივით აღფრთოვანებული იყო შვიდ სულ ქურდთან ხელის ჩამორთმევით, საუბრობს, რომ თურმე NATO-ს არ ჰქონია ერთი ადგილი… არ სჯობს ფეხბურთს მიხედოს?! რა იცის კალაძემ საერთაშორისო ურთიერთობები?! ერთი წიგნი აქვს საერთოდ წაკითხული? მართლა გგონიათ, რომ ისტორიის სპეციალისტია?! სამტრედიაში ფეხბურთი არ არის და როცა ფეხბურთი არ არის, კარგია, რომ ბურთის ძეგლი დადგა. მიხედოს იმ საქმეს კალაძემ, რაც იცის”, – განაცხადა პაატა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს