“ბორელის ვიზიტი არის სტრატეგიული ნაბიჯი ევროკავშირიდან, რომ ევროკავშირი არ აპირებს საქართველოს დატოვებას” – ხატია დეკანოიძე

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ევროკომისიის ვიცე-პრეზიდენტის ჯოზეფ ბორელის საქართველოში ვიზიტთან დაკავშირებით, მოლოდინებზე პოლიტიკურ შეფასებას აკეთებს პარლამენტის ფრაქცია ,,ევროოპტიმისტების” წევრი, ხატია დეკანოიძე:

,,ჩვენ ვიცით, რომ პროგრესი არ არსებობს, გარდა 3 რეკომენდაციის შესრულებისა, განსაკუთრებით – პოლარიზაციის ნაწილში. ვფიქრობ, რომ ძალიან მნიშვნელოვანი იქნება, სწორედ მისი (ბორელის, რედ.) გზავნილები საქართველოში.

ბორელის ვიზიტი არის, ზოგადად, ფართო, ძალიან მნიშვნელოვანი სტრატეგიული ნაბიჯი ევროკავშირიდან, რომ ევროკავშირი არ აპირებს საქართველოს დატოვებას, მათ შორის, რუსეთთან ასეთ მჭიდრო კავშირში მყოფ ხელისუფლებასთან ერთადაც კი“, – განაცხადა ხატია დეკანოიძემ.

ავტორი
ნინი ხიჯაკაძე