საქართველოს მე-3 პრეზიდენტის, მიხეილ სააკაშვილის ბოლო გზავნილებს, “ნაციონალურ მოძრაობასთან” დაკავშირებით, რომ “ხალხი არ აპატიებს მათ, ვინც პარტიის დაყოფაზე მუშაობს, არც მე და არც ჩვენი ხალხი ამას არ დავუშვებთ” ეხმაურება “ტაბულა მედიას” დამფუძნებელი, თამარ ჩერგოლეიშვილი:
“დავაი რა – თავად გაანადგურე ეგ პარტია და მისი ტოქსიკური ნარჩენები უნდა აღიგავოს მიწიდან რეჟიმთან ერთად, თუ ამ ქვეყნისთვის სიკეთე გვინდა“, – წერს ფეისბუქის პირად გვერდზე თამარ ჩერგოლეიშვილი.
იგი ასევე ეხმაურება მე-3 პრეზიდენტის კონკრეტულ პოზიციას პარტია “ევროპული საქართველოს” ლიდერ გიგა ბოკერიასთან მიმართებაში – “ვინც დაადგება ბოკერიას გზას, განულდება და დაამთავრებს როგორც ბოკერია“:
“და ვინც მიშას გზას გაჰყვება, დაამთავრებს როგორც მიშა.
თქვენი გემოვნების საკითხია, მეგობრებო.
(განულებაზე მე კომენტარს არ გავაკეთებ, არ მინდა ნულს ნიშანი მოვუგო)“, – აღნიშნავს თამარ ჩერგოლეიშვილი.
