პარლამენტის პირველი ვიცე-სპიკერი, გიორგი ვოლსკი ჟურნალისტებთან მწვავე კომენტარს აკეთებს ოპოზიციური სპექტრის სტრატეგიასა და განცხადებებზე საქართველოს ევროინტეგრაციის პროცესთან დაკავშირებით:
,,ოპოზიცია არ არის სკეპტიკურად განწყობილი, იგი მავნებლურადაა განწყობილი. ოპოზიცია არის განწყობილი იმისთვის, რომ როგორმე რევოლუციური გარემო შეიქმნას და ვერანაირ არგუმენტს ვერ ასახელებენ – ნებისმიერი ტრიბუნიდან, ნებისმიერი ოპოზიციონერის გამოსვლა შეიძლება შეფასდეს, როგორც დემაგოგია. ერთი, რომ თუ რაღაცა ირღვევა ევროპისაკენ მიმავალ გზაზე, საქართველოს ხელისუფლება აშავებს.
პოზიტივი, რეალობა, რაც არის – გაცილებით უფრო მძლავრია, ვიდრე ის დემაგოგია, რასაც ,,ნაციონალური მოძრაობა” ან სხვა რადიკალური წარმომადგენლები გვთავაზობენ თავიანთ განცხადებებში.
აქედან გამომდინარე, ნიკა გვარამიამ გაანალიზა სიტუაცია, ეტყობა ინტელექტუალურად სხვას გარკვეულწილად უსწრებს, ყოველ შემთხვევაში, თვითონ ასე თვლის და შესთავაზა ყველას მოკლე ფორმულა – ,,ყველა, ვინც არ გამოხვალთ, რომელ ფორმატშიც არ უნდა იყოთ, რომელ ტრიბუნასთან – თქვით, რომ საქართველოს უშლის ევროინტეგრაციის გზაზე ,,ქართული ოცნების” ხელისუფლება” და ამის იქით რაიმე არგუმენტები, რაიმე თემებთან დაკავშირებით მსჯელობა, აბსოლუტურად, ზედმეტად მიაჩნია“, – განაცხადა გიორგი ვოლსკიმ.
ავტორი
ნინი ხიჯაკაძე
