საქართველოს პრეზიდენტმა, სალომე ზურაბიშვილმა 3 ივლისს ჩატარებული კენჭისყრის ოქმი პარლამენტიდან გამოითხოვა, იმის გასარკვევად გაყალბდა თუ არა პარლამენტში ხმის მიცემის პროცესი. საკითხთან დაკავშირებით ,,მთავარი არხის” ჟურნალისტთან კომენტარს აკეთებს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:
,,მანიპულაცია, გაყალბება ხმის მიცემის პროცედურის დროს არის დანაშაული. მით უმეტეს, როცა საკითხი ეხება ვეტოს დაძლევას და ძალიან მნიშვნელოვან თემას.
მე არ მჯერა, რომ პარლამენტიდან გამოთხოვილი ინფორმაციით მხოლოდ შეიძლება ჭეშმარიტების დადგენა ამ საკითხზე.
,,ქართული ოცნება” რომ არ იყოს ხელისუფლებაში, ვიტყოდი – გამოძიება არის საჭირო. ის, რომ ვთქვა – საგამოძიებო კომისია უნდა შევქმნათ, აბსურდის სახეს მიიღებს ეს ყველაფერი”, – განაცხადა პაატა მანჯგალაძემ.
ინფორმაციისთვის: საპარლამენტო უმრავლესობამ რამდენიმე დღის წინ პრეზიდენტის ვეტო დაძლია. კენჭისყრის შედეგები ეჭვის ქვეშ დააყენა პარტია “გირჩმა”, რაც უფრო გაძლიერდა მას შემდეგ, როცა მედიის მიერ მომხრიდან ვიზუალური კადრებით დადგინდა, რომ კენჭისყრის მომენტში კონკრეტული დეპუტატები, რომლებიც მომხრედ დაფიქსირდნენ, დარბაზში არ იმყოფებოდნენ.
