“ომის რიტორიკას, დიახაც, იყენებენ მოსახლეობის დაშინებისა და რუსეთის ანექსიის პოლიტიკის გამართლებისთვის” – პაატა მანჯგალაძე

დღეს, პარლამენტში სახელმწიფო უსაფრთხოების სამსახურმა ანგარიში წარადგინა. ანგარიშში წარმოდგენილ კონკრეტულ საკითხთან დაკავშირებით კომენტარს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:

,,თუ ომის და ,,მეორე ფრონტის” ნარატივები გამოიყენებოდა ოკუპირებული ტერიტორიაზე ადგილობრივი მოსახლეობის დაშინებისა და რუსეთის ანექსიის პოლიტიკასთან შეგუებისთვის, საქართველოს ტერიტორიაზე, დავსვათ კითხვა – ვინ ავრცელებდა ამ ნარატივებს?! – საქართველოს ხელისუფლება, ,,ქართული ოცნება”, ირაკლი კობახიძე და ირაკლი ღარიბაშვილი.

სწორად აქვს ანალიზი გაკეთებული სახელმწიფო უსაფრთხოების ანალიტიკოსს, არ ვიცი მე, ვინ შეასრულა ეს სამუშაო, რომ ომის რიტორიკას, დიახაც, იყენებენ მოსახლეობის დაშინებისთვის და რუსეთის ანექსიის პოლიტიკის გამართლებისთვის”, – განაცხადა პაატა მანჯგალაძემ.

ავტორი
ნინი ხიჯაკაძე