“ქართული ოცნება” ოპონირების და კრიტიკის რეჟიმშია უკრაინასთან – ამაზე დიდი რუსული საქმე არ არსებობს! – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე კომენტარს აკეთებს მმართველი პარტიის რიტორიკაზე უკრაინასა და პრეზიდენტ ვოლოდიმირ ზელენსკისთან მიმართებაში:

,,დაპირისპირება უკრაინასთან, თუნდაც, საინფორმაციო, ვერბალურ დონეზე ზელენსკის ოპონირება, რა თქმა უნდა, საქართველოს ევროპაში ინტეგრაციის პროცესს არ ეხმარება.

პირიქით უნდა მომხდარიყო, უკრაინა, ზელენსკი ევროკავშირში, NATO-ში ინტეგრაციისთვის უნდა გამოგვეყენებინა. დეოკუპაციის საკითხებიც დადგება, როცა უკრაინა მიაღწევს წარმატებას.

ნაცვლად ამისა, ,,ქართული ოცნება“ ოპონირების და კრიტიკის რეჟიმშია უკრაინასთან – ამაზე დიდი რუსული საქმე არ არსებობს“, – განაცხადა პაატა მანჯგალაძემ.

ავტორი
ნინი ხიჯაკაძე