ანალიტიკოსი გია ხუხაშვილი სააგენტო ,,პარალელთან“ ინტერვიუში აცხადებს, რომ ქვეყანაში ბოლო პერიოდში განხორციელებული ძალადობრივი ქმედებების აღმოსაფხვრელად საჭიროა პოლარიზაციის გრადუსის დაწევა:
,,ფაქტია, რომ პოლიტიკური გრადუსი არის ძალიან მაღალი, რაც სამწუხაროდ, იწვევს როგორც ორგანიზებულ, ასევე საყოფაცხოვრებო აგრესიას.
რა უნდა გააკეთოს ოპოზიციამ და ხელისუფლებამ? – პოლარიზაციის გრადუსი უნდა დაწიოს. აგრესიული მონოლოგი უნდა გადავიდეს კონსტრუქციული დიალოგის რეჟიმში. მეტი ფორმულა აქ არ არსებობს.
გარდა ამისა, ძალადობა იქცა პოლიტიკის კეთების ერთ-ერთ ინსტრუმენტად. ჩვენ უნდა ვივარაუდოთ, რომ ამ ძალადობის დიდი ნაწილი არის პოლიტიკის ნაწილი, ანუ კარგად დაგეგმილი და ორგანიზებული.
ასე, რომ პირველ რიგში, უნდა იყოს პოლიტიკური ნება, ძალადობის მიუღებლობა, შესაბამისად, რიტორიკა“, – განაცხადა გია ხუხაშვილმა.
ავტორი
ნინი ხიჯაკაძე
