პარტია ,,ქართული ოცნების“ თავმჯდომარე, ირაკლი კობახიძე ჟურნალისტებთან კომენტარს აკეთებს ,,ფორმულას“ ერთ-ერთ დამფუძნებელსა და ტელეწამყვანზე, მიშა მშვილდაძეზე განხორციელებული თავდასხმის ფაქტთან დაკავშირებით. მმართველი პარტიის ლიდერი განმარტავს, თუ ვინ როგორ აღიქვა სამოქალაქო აქტივიზმი:
,,მიშა მშვილდაძე თვითონ მსხვერპლია. მას შთააგონეს, რომ დედის გინება არის სამოქალაქო აქტივიზმი. დედას იგინებოდა, სადაც ამის საშუალება ჰქონდა. მერე გამოვიდა ვიღაც სხვა, რომელმა ასევე, ასე წარმოიდგინა ეს ყველაფერი. მაგალითად, ერთ-ერთი ელჩის ბოლოდროინდელი მოწოდება გინებასთან, ფიზიკურ ძალადობასთან დაკავშირებით აღიქვა ასე – თუ იძალადებდა მიშა მშვილდაძეზე, ეს იქნებოდა სამოქალაქო აქტივიზმი; თუ ვიღაცა შეაგინებს მიშა მშვილდაძეს, ადამიანმა წარმოიდგინა, რომ ეს არის სამოქალაქო აქტივიზმი.
ეს დანერგა ვინ? -კონრეტული ელჩი იყო, რომელიც ამაზე საუბრობდა. რაც სირცხვილია! ელჩის განცხადებას ძალიან დიდი გავლენა აქვს.
გამოდიან ვიღაც მართლა ნაგავი ხალხი და გეძახიან – ხან რუსი, ხან პუტინისტი, ხან კორუმპირებული და რაღაცა ათასი უბედურება. თვითონ კორუმპირებულები და ის ადამიანები, რომლებმაც ტერიტორიების 20% ჩააბარეს რუსეთის ფედერაციას. პასუხი სჭირდება ამ ხალხს, ბუნებრივია.
მართლა ნაგავმა ხალხმა მე პუტინისტი დამიძახოს და პასუხი არ გავცე?!
რაც შეეხება ფიზიკურ ძალადობას, – როდესაც კონკრეტული ადამიანები ცეცხლს უკიდებენ სხვა ადამიანებს, როცა თავზე ამხობენ ნაგვის ურნებს და დუმილია სრული, ხოლო ყველა სხვა თემაზე არის მყისიერი რეაგირება, რა თქმაუნდა ეს დუმილიც არის ფიზიკური ძალადობის პირდაპირი წახალისება…“, – განაცხადა ირაკლი კობახიძემ.
ავტორი
ნინი ხიჯაკაძე
