ჭყონდიდის, ცაგერისა და ლენტეხის მიტროპოლიტი, მეუფე სტეფანე (კალაიჯიშვილი) ქადაგების დროს მძიმე შეფასებას აკეთებს და ხელოვნების/კინოს სფეროსა და მთლიანად ქვეყანაში არსებულ მდგომარეობასთან დაკავშირებით:
,,საქართველო კიკოებით აივსო. კიკო გახსოვთ, ,,დათა თუთაშხია“-ში რომ არის – ეს არის მაგალითი ფულზე გაყიდული უმანკოებისა. არა მარტო თავისი უმანკოება, არამედ ქვეყნის ღირსება, ყველაფერი შეიძლება შეიწიროს.
ესეთი კიკოები დაწყებული ზემოდან – პრეზიდენტიდან, დამთავრებული ქვემომდე, ე.ი. მრავალი გვყავს ჩვენ. ისეთ გადაწყვეტილებებს და მოქმედებებს აკეთებენ, რომ წარმოუდგენელია.
საბოლოო ჯამში, რა უნდათ ჩვენგან და რას ერჩიან ამ საქარველოს?!“ – აღნიშნავს მეუფე სტეფანე.
ქადაგების დროს მეუფე სტეფანე ბავშვებთან დაკავშირებითაც საუბრობს და აცხადებს, რომ მათი გამოშტერება უნდათ:
,,იმედისმომცემი ნაბიჯები იდგმება და უდიდესი წინააღმდეგობა მოდის საერთაშორისო მაფიისგან. აქ, ჩვენთან თავიანთი რაღაც ამფსონები… ფულები გადაუხადეს. დედას, მამას, სამშობლოს გაყიდის.
ახლა არის ეს საკეპი მანქანა, ახალი ერა, ასე ვთქვათ – ,,new age”. ახალი ცრუ იდეები და სისულელეები. პატარა ბავშვების გამოშტერებით უნდათ, რომ ადამიანი შეიცვალოს. პატარა ბავშვებიდან უნდათ, რომ გამოზარდონ ისეთი ადამიანები, რომლებსაც არც სამშობლო და არც ღირსება ექნებათ“, – განაცხადა მეუფე სტეფანემ.
ავტორი
ნინი ხიჯაკაძე
