,,ლეიბორისტული პარტიის” თავმჯდომარე, შალვა ნათელაშვილი ოფიციალური ვიზიტით ამერიკის შეერთებულ შტატებში გაემგზავრა. ოპოზიციონერმა ლიდერმა დაგეგმილი შეხვედრების დეტალებზე ჟურნალისტებთან ისაუბრა, სადაც აღნიშნა, რომ საქართველო მალე გათავისუფლდება ოლიგარქიული მმართველობისგან:
,,კარგად მოგეხსენებათ, რომ ოლიგარქიული დიქტატურის მშვიდობიანად თავიდან მოცილება შესაძლებელია საერთაშორისო სანქცირების გზით. რის თაობაზეც ბრძოლა ,,ლეიბორისტულმა” პარტიამ ჯერ კიდევ 10 წლის წინ დაიწყო. ეს ვიზიტი არის აღნიშნული პროცესის დაგვირგვინება.
ივანიშვილის დასანქცირება უკვე იქცა მსოფლიო პოლიტიკურ მოთხოვნად.
ჩვენ გვექნება შეხვედრები შეერთებული შტატების სტრატეგიულ ცენტრებში და ვფიქრობ, რომ ძალიან მალე საქართველო გათავისუფლდება აი ამ უბედურებისაგან, რასაც წარმოადგენს მმართველი სისტემა, რომელმაც კატასტროფამდე მიიყვანა ჩვენი სახელმწიფო”, – განაცხადა შალვა ნათელაშვილმა.
ავტორი
ნინი ხიჯაკაძე
