კლინიკა ,,ვივამედთან” საქართველოს მე-3 პრეზიდენტის, მიხეილ სააკაშვილის მხარდამჭერი აქცია გაიმართა. აქციის მიზანთან დაკავშირებით, ჟურნალისტებთან კომენტარი გააკეთა ,,ერთიანი ნაციონალური მოძრაობის” თავმჯდომარემ, ლევან ხაბეიშვილმა:
,,პრეზიდენტ სააკაშვილთან საქართველოს პარლამენტის წევრებს რამდენიმე თვეა არ გვიშვებენ. ჩვენს კანონით მონიჭებულ უფლებას არღვევენ. ამიტომ მნიშვნელოვანია, რომ ეს უფლება საქართველოს პარლამენტის წევრებს აღუდგეს და შესაძლებლობა მოგვეცეს, ვნახოთ პრეზიდენტი სააკაშვილი.
მნიშვნელოვანია, პრეზიდენტი სააკაშვილი იყოს თავისუფალი. იმიტომ, რომ მას შეუძლია პოზიტიური როლის შესრულება საქართველოს დეოკუპაციაში მას შემდეგ, რაც უკრაინა ტერიტორიებს დაიბრუნებს და ომს მოიგებს.
საქართველოსთვის არ არსებობს კიდევ უკეთესი შესაძლებლობა, როგორიც არის მიხეილ სააკაშვილი, რომელსაც შეუძლია უკრაინის ხელისუფლებასთან, ჩვენ დასავლელ პარტნიორებთან იყოს ჩვენი ქვეყნის მთავარი ლობისტი.
ამიტომ ჩვენ აქციებს ყოველდღიურ რეჟიმში, სხვადასხვა ადმინისტრაციულ შენობასთან გავაგრძელებთ“, – განაცხადა ლევან ხაბეიშვილმა.
ავტორი
ნინი ხიჯაკაძე
