ხუთშაბათი, ივნისი 20, 2024

“ირაკლი კობახიძეს, პროტოკოლის მიხედვით, გუშინდელ ღონისძიებაზე დასწრების ვალდებულება საერთოდ არ ჰქონდა!” – ბონდო მძინარაშვილი

“ქართული ოცნების” თავმჯდომარე, ირაკლი კობახიძე 26 მაისის ღონისძიებას არ დასწრებია. ფაქტმა არაერთგვაროვანი რეაქცია გამოიწვია საზოგადოებაში, იყო მწვავე შეფასებებიც. აღნიშნულთან დაკავშირებით ერთგვარ “პროტოკოლურ” განმარტებებს აკეთებს საზოგადოებრივი მაუწყებლის სამეურვეო საბჭოს წევრი, ბონდო მძინარაშვილი:

ირაკლი კობახიძე აღლუმს რატომ არ დაესწრო და აუზზე რატომ წავიდაო!

როცა პარლამენტის თავმჯდომარე იყო, აღლუმსაც ესწრებოდა და მიღებებსაც, სიტყვითაც გამოდიოდა, მაგრამ დააყენეთ?! გადადექი, გადადექიო და, – გადადგა!

სადღესასწაულო ღონისძიებებს ესწრებოდნენ პარლამენტის თავმჯდომარე, მისი მოადგილეები, კომიტეტების თავმჯდომარეები, ანუ პარლამენტის თანამდებობის პირები!

ირაკლი კობახიძე ახლა პარტიის თავმჯდომარეა და, პროტოკოლის მიხედვით, გუშინდელ ღონისძიებაზე დასწრების ვალდებულება საერთოდ არ ჰქონდა! არც დასწრებია გადადგომის შემდეგ, აგერ უკვე მეოთხე წელია!

უქმეებზე კი, უნდა აუზზე წავა და უნდა – ტყეში გაისეირნებს!

და ეს ძალიან კარგად იციან ყოფილი ხელისუფლების წარმომადგენლებმა!

ეს სტატუსი ირაკლი კობახიძის დასაცავად არ დამიწერია, იმის ახსნას ვცდილობ, რომ როცა ადამიანის სადღაც ყოფნის ვალდებულება და აუცილებლობა არ არსებობს, ის ადამიანი მიდის იქ, სადაც სურს!

ხოლო იმ პარლამენტარებმა, ჩაჩაჩულ წინდებს ენით რომ ისწორებთ, პარლამენტის შესასვლელთან იმორიგევეთ და აღრიცხეთ, აცდენს თუ არა ირაკლი კობახიძე სასესიო და საკომიტეტო სხდომებს!
მაგრამ არ იზამთ, – მშვენივრად იცით, რომ არ აცდენს… თქვენგან განსხვავებით!

არ აცდენს, რადგან, ასევე თქვენგან განსხვავებით, მისთვის ეს სამსახურია და კარგად იცის, რომ სამსახურში უნდა გამოცხადდეს!” – წერს ფეისბუქის პირად გვერდზე ბონდო მძინარაშვილი.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული