“სტრასბურგის სასამართლოს გადაწყვეტილების საფუძველზე, მე შემიძლია პატიმარ სააკაშვილს მოვუწოდო, რომ ნორმალური კვებითი რეჟიმი აღადგინოს და საკუთარი თავის დაზიანება შეწყვიტოს” – თეა წულუკიანი

სტრასბურგის სასამართლოს გადაწყვეტილებით, როგორც გადაუდებელი ღონისძიება, მიხეილ სააკაშვილის საზღვარგარეთ სამკურნალოდ გადაყვანაზე უარი ითქვა. აღნიშნულ გადაწყვეტილებაზე კომენტარს აკეთებს ვიცე-პრემიერი, კულტურის, სპორტისა და ახალგაზრდობის მინისტრი, თეა წულუკიანი:

,,სტრასბურგის სასამართლოს რამდენიმე კრიტერიუმი აქვს იმის შესაფასებლად, არის თუ არა პატიმრის ჯანმრთელობა და სიცოცხლე დაცული. ხშირად ვამბობდით, რომ სტრასბურგის სასამართლოს ყველა ეს კრიტერიუმი იყო სახელმწიფოს მხრიდან დაცული. თუკი ვინმე ამ კრიტერიუმებს არ იცავდა, იყო თვით პატიმარი სააკაშვილი.

ეს დადასტურდა სტრასბურგის სასამართლოს გადაწყვეტილებით.

ახლა, უკვე სტრასბურგის სასამართლოს გადაწყვეტილების საფუძველზე, მე შემიძლია კიდევ ერთხელ მოვუწოდო პატიმარ სააკაშვილს, რომ ნორმალური კვებითი რეჟიმი აღადგინოს, საკუთარი თავის დაზიანება შეწყვიტოს”, – განაცხადა თეა წულუკიანმა.

ავტორი
ნინი ხიჯაკაძე