“სტრატეგია აღმაშენებლის” პოლიტიკური საბჭოს წევრი და განათლების მიმართულების ხელმძღვანელი ნანა ტოხვაძე აცხადებს, რომ გიორგი ამილახვარმა 500 მასწავლებლის მიმართვა, შეხვედრასთან დაკავშირებით, უგულებელყო.
“განათლების ახალი მინისტრი, გიორგი ამილახვარი, რომელიც პირობას დებდა, რომ შეხვდებოდა ყველა ღირსეულ მასწავლებელს პირობას არღვევს და 500 მასწავლებლის მიმართვას შეხვედრაზე უგულებელყოფს.
ამილახვარი “კატა-თაგვობანას” ეთამაშება მასწავლებლებს, რომლებმაც სახელმწიფოს მიერ შეთავაზებული მენტორ-წამყვანის გამოცდა პირნათლად ჩააბარეს და სრულიად გაუგებარ ვითარებაში აღმოჩნდენ.
გამოცდის გარდა მათ სტატუსის ასამაღლებლად სავალდებულო პორტფოლიოს წარდგენა ევალებათ. კრიტერიუმები კი გამოცდიდან 8 თვის თავზე ანუ 10 აპრილს “აღირსეს”, ხოლო ატვირთვის ვადა მხოლოდ თვის ბოლომდე განუსაზღვრეს. არ დაგვავიწყდეს, რომ სააღდგომო დღესასწაულები ამ მონაკვეთში ექცევა და მასწავლებლები სრულიად დისკრიმინირებულ ვითარებაში აღმოჩნდნენ”, – აცხადებს ნანა ტოხვაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს