საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს ოპოზიციასთან მიმართებაში, საგამოძიებო კომისიის შექმნის საკითხთან დაკავშირებით:
,,ოპოზიცია რომ არასერიოზულად იქცევა, ამას შეჩვეული ვარ. უკვე მერამდენეჯერ ვუთითებ, რომ რეგლამენტს გაეცნონ. ნაცვლად იმ ისტერიისა, რასაც აწყობენ ხოლმე დახარჯონ რამდენიმე წუთი უბრალოდ საკუთარი ცოდნის გაღრმავებისა და რეგლამენტში ჩახედვისთვის. ორმა ადამიანმა მიმართა პრეზიდენტს, რომ 46 ადამიანის მიმართვა გამოეთხოვათ, რაც აბსურდია.
საგამოძიებო კომისიასთან დაკავშირებით, ჯერ კიდევ ,,ნაციონალურ მოძრაობას“ შარშან, ივნისში ჰქონდა ინიციატივა წამოყენებული სასამართლოსთან დაკავშირებით; შემდეგ დეკემბერში ,,რეფორმების ჯგუფმა“ დააინიცირა საგამოძიებო ჯგუფი და დღემდე არ გამოუტანიათ კენჭისყრაზე.
მე რამდენჯერმე შევახსენე მათ: 5 თუ 6 საგამოძიებო კომისია არის ინიცირებული, არ გამოაქვთ განსახილველად და კენჭისყრაზე. ნაცვლად იმისა, რომ უყურონ საკუთარ ამომრჩეველს, ქართველ მოქალაქეებს და სახელმწიფოს ინტერესებს, თავის პოლიტიკურ დღის წესრიგს აწყობენ უცხო ქვეყნის სახელმწიფო ინსტიტუტების განცხადებებზე.
თუკი ეს საკითხი ასეთი სასწრაფო და საჩქარო იყო, არ ითმენდა ერთ დღესაც, უნდა ყოფილიყო რიგგარეშე სხდომა, რა გამოდის?! – ე.ი. გამოდის, რომ მომავალ კვირას დაგვიანებულია? მათი გადასაწყვეტია…“, – განაცხადა შალვა პაპუაშვილმა.
ავტორი
ნინი ხიჯაკაძე
