პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ჟურნალისტებთან კომენტარს აკეთებს აშშ-ის მთავრობის მხრიდან საქართველოში სასამართლოს წევრების დასანქცირების საკითხზე. ოპოზიცია მოითხოვს საგამოძიებო კომისიის შექმნას ამასთან დაკავშირებით. საპარლამენტო უმრავლესობის წევრი, არც საგამოძიებო კომისიის შექმნას გამორიცვავს, რომელიც გაარკვევს რა წყაროებზე დაყრდნობით მოხდა სანქციების დაწესება:
,,რიგგარეშე სხდომა რად უნდათ?! მიმდინარე კვირა არის პლენარული სხდომების. შეიძლება ჩვენ დავსვათ ეს საკითხი, მათი რიგგარეშე სხდომების გარეშეც.
აქედან გამომდინარე, ჩვენ პირველ რიგში გვჭირდება კომუნიკაცია ჩვენ პარტნიორებთან. ამის მიხედვით გადაწყდება შემდგომი ნაბიჯები.
რა თქმა უნდა, შესაძლებელია საგამოძიებო კომისია და შეიძლება ჩვენ ვიყოთ ამის ინიციატორი. არავის შეხსენება არ გვჭირდება. თუ იქამდე მივედით, რომ ეს მექანიზმი იქნება ყველაზე ეფექტური საშუალება და არ არსებობს სხვა მექანიზმი, რომ ყველაფერი იყოს საჯარო – ამ ნაბიჯსაც, დიდი ალბათობით, ჩვენ ვიმსჯელებთ და მივიღებთ შესაბამის გადაწყვეტილებას. ასე, რომ არაფერს არ გამოვრიცხავ.
უსამართლობა არის ძალიან მძიმე რამ, როდესაც ადამიანს რაღაც არ აქვს ჩადენილი, ამასთან დაკავშირებით ბრალი წაუყენო. რასთან გვაქვს საქმე, ყველას გვაინტერესებს!
რა მტკიცებულებებზე დაყრდნობით მოხდა? ვინ არის წყარო ამასთან დაკავშირებით? ეს ყველაფერი უნდა იყოს საჯარო. დაიწყოს ამასთან დაკავშირებით მსჯელობა. დარწმუნებული ვარ, ძალიან საინტერესო პროცესის მონაწილები ვიქნებით”, – განაცხადა ანრი ოხანაშვილმა.
ავტორი
ნინი ხიჯაკაძე
