“სააკაშვილი სასწრაფოდ უნდა იყოს გადაყვანილი მესამე ქვეყანაში” – პეტრე ცისკარიშვილი

,,ერთიანი ნაციონალური მოძრაობის“ გენერალური მდივანი, პეტრე ცისკარიშვილი კომენტარს აკეთებს საქართველოს მე-3 პრეზიდენტის მძიმე ჯანმრთელობის მდგომარეობასთან დაკავშირებით. მისი განცხადებით, მმართველი პარტია ხელს უშლის მიხეილ სააკაშვილთან პოლონელი ექიმების ჩამოსვლის პროცესს:

,,სააკაშვილი, რომლის მდგომარეობა არის უკიდურესად მძიმე, სასწრაფოდ უნდა იყოს გადაყვანილი მესამე ქვეყანაში და გათავისუფლებული.

ის ფაქტი, რომ ,,ქართული ოცნება” ყველანაირად აფერხებს და ცდილობს, როგორმე ევროკავშირის ეგიდით მოწვეული პოლონელი მედიკოსები, ექიმები საქართველოში არ ჩამოვიდნენ და პაციენტი არ მოინახულონ, სწორედ ამაზე მეტყველებს, რომ ისინი ცდილობენ შეაფერხონ და დაბლოკონ ნეიტრალური, დამოუკიდებელი დასკვნა”, – განაცხადა პეტრე ცისკარიშვილმა.

ავტორი
ნინი ხიჯაკაძე