“სააკაშვილის მთელი გარემოცვა ცდილობს, რომ როგორმე ის იმ სტრატეგიულ გეგმაში მოაქციოს, რომელსაც რევოლუცია ჰქვია” – გიორგი ვოლსკი

პარლამენტის პირველი ვიცე-სპიკერი, გიორგი ვოლსკი ჟურნალისტებთან კომენტარს აკეთებს კლინიკა ,,ვივამედის“ განცხადებასთან დაკავშირებით, რომელიც საქართველოს მე-3 პრეზიდენტის, მიხეილ სააკაშვილის მკურნალობის პროცესსა და მის კლინიკაში შემდგომი ყოფნის მიზანშეწონილობას ეხება:

,,სააკაშვილი მარტო არ არის პარტიმრებიდან, ვინც ,,ვივამედში“ მკურნალობს. მაგრამ, თუ მას მკურნალობა არ უნდა და არ ექვემდებარება მკურნალობის შეთავაზებულ პროცესს, რასაკვირველია, ეს მედპერსონალს, ყოველგვარი პასუხისმგებლობისგან ათავისუფლებს.

სამწუხაროა, რომ სააკაშვილის მთელი გარემოცვა ცდილობს, რომ როგორმე ის იმ სტრატეგიულ გეგმაში მოაქციოს, რომელსაც რევოლუცია ჰქვია“, – განაცხადა გიორგი ვოლსკიმ.

ავტორი
ნინი ხიჯაკაძე