“ვინ არის საქართველოში ოლიგარქი, ამაზე უნდა ვიმსჯელოთ” – ირაკლი კობახიძე

პარტია ,,ქართული ოცნების“ თავმჯდომარის, ირაკლი კობახიძის პოლიტიკური შეფასებები და განმარტებები დეოლიგარქიზაციის კანონპროექტთან დაკავშირებით:

,,დეოლიგარქიაზაცია გულისხმობს ოლიგარქებისგან ქვეყნის გათავისუფლებას. ვინ არის საქართველოში ოლიგარქი, ამაზე უნდა ვიმსჯელოთ.

თვითაღიარებული ოლიგარქი საქართველოში, მაგალითად, არის კეზერაშვილი. პირდაპირ წერილი გამოაქვეყნა, სადაც მითითებულია, რომ ის აფინანსებს პარტიებს, მედია საშუალებებს და ე.წ. სამოქალაქო ორგანიზაციებს.

ის არის თვით აღიარებული ოლიგარქი. თვითონ ამტკიცებს, რომ არის ოლიგარქი. პირდაპირ ერევა პოლიტიკურ ცხოვრებაში, მედია საშუალებებზე აქვს გავლენა და ა.შ.

ანუ, 1 თვითაღიარებული ოლიგარქი გვყავს დანარჩენი, ვისზე იქნება მისადაგებული ეს კანონი, ამას გვიჩვენებს თვითონ კანონი აღსრულება“, – განაცხადა ირაკლი კობახიძემ.

ავტორი
ნინი ხიჯაკაძე