“როგორც სახალხო დამცველი ვადასტურებ, რომ ნებისმიერ ექიმს საშუალება უნდა მიეცეს მიიღონ მონაწილეობა მიხეილ სააკაშვილის მკურნალობის საკითხში” – ლევან იოსელიანი

სახალხო დამცველი, ლევან იოსელიანი ჟურნალისტებთან კომენტარს აკეთებს საქართველოს მე-3 პრეზიდენტის მკურნალობის საკითხზე და აცხადებს, რომ ყველა კვალიფიციურ ექიმს უნდა მიეცეს საშუალება, რათა მიხეილ სააკაშვილის მკურნალობის პროცესში მიიღონ მონაწილეობა:

,,მე ვთვლი, რომ ნებისმიერ ექიმს, რომელსაც აქვს შესაბამისი კვალიფიკაცია, საშუალება უნდა მიეცეს, რომ მოინახულოს მიხეილ სააკაშვილი და მის მკურნალობაში მონაწილეობა მიიღოს.

მითუმეტეს, როცა სახელმწიფოს აქვს ეს პოზიცია გაცხადებული, რომ არავის ხელს არ შეუშლის.

ჩვენ ვაკვირდებით ამ პროცესს. იმედი მაქვს, რომ პოლონელ ექიმებს ექნებათ საშუალება და მონაწილეობას მიიღებენ.

როგორც სახალხო დამცველი, კიდევ ერთხელ ვადასტურებ, რომ ნებისმიერ ექიმს, მათ შორის სხვა ქვეყნიდან ჩამოყვანილ ადამიანებს, საშუალება უნდა მიეცეთ, რომ მიიღონ მონაწილეობა მიხეილ სააკაშვილის მკურნალობის საკითხში“, – განაცხადა ლევან იოსელიანმა.

ავტორი
ნინი ხიჯაკაძე