საქართველოს პრეზიდენტი, სალომე ზურაბიშვილი კრიტიკული შეფასებებით ეხმაურება პარლამენტის თავმჯდომარის, შალვა პაპუაშვილის მიერ ახალგაზრდებთან დაკავშირებით გაკეთებულ განცხადებას:
“სრულიად მიუღებლად მიმაჩნია პარლამენტის თავმჯდომარის მიერ ახალგაზრდების მიმართ გაკეთებული ბოლო განცხადება.
შეიძლება ხელისუფლების წარმომადგენელი რომელიმე პროტესტის ფორმას არ ეთანხმებოდეს, თუმცა ეს იმას არ ნიშნავს, რომ თანამდებობა ვინმეს საკუთარი მოქალაქეების შეურაცხყოფის უფლებას ანიჭებს.
ასეთი შეფასებები შესაძლოა, მხოლოდ დაძაბულობის გამძაფრებას ემსახურებოდეს და არა ახალგაზრდებთან აუცილებელი კომუნიკაციის აღდგენას, რასაც ყველა საშუალებით უნდა ცდილობდეს ხელისუფლება, მით უმეტეს, ამ ბოლო მოვლენების ფონზე“, – აცხადებს სალომე ზურაბიშვილი.
ინფორმაციისთვის: შალვა პაპუაშვილი აცხადებს, რომ უმაღლესი სასწავლებლების აუდიტორიებში მიზანმიმართულად ხდება ლექტორების, მათ შორის, ირაკლი კობახიძის ლექციების ჩაშლის მცდელობა და პარლამენტის თავმჯდომარის აზრით, ამას ახორციელებენ “პოლიტიკურად ანგაჟირებული 1000-ლარიანი ახალგაზრდები!“
