პარლამენტის ,,რეფორმების ჯგუფის” თავმჯდომარე ხათუნა სამნიძე ეხმაურება საქართველოს მე-4 პრეზიდენტის, გიორგი მარგველაშვილის კონკრეტულ პოლიტიკურ ინიციატივებს და შეფასებას აძლევს რიგგარეშე არჩევნების ჩატარების იდეას. მისი თქმით, სანამ საარჩევნო სისტემა არ შეიცვლება ვადამდელი არჩევნების დანიშვნას არ ექნება შედეგი:
,,ახლა, ვადამდელ არჩევნებზე საუბარი – ვთვლი, რომ არის აბსოლუტურად არასწორი, პოლიტიკური სიბეცეც იმიტომ, რომ ეს ხელს არ შეუწყობს 12 პუნქტის შესრულებას. გათვლები რა შეიძლება იყოს ამასთან დაკავშირებით, როდესაც ჩვენ გვაქვს იგივე სისტემა?!
ჩემთვის არ არის გასაგები – რატომ უნდა მოვითხოვოთ ახლა რიგგარეშე არჩევნები?!
რიგგარეშე არჩევნები იქნება თუ არა, ამას განსაზღვრავს პოლიტიკური პროცესი და არა ჩვენი მოთხოვნა, ან აქციები ამის ირგვლივ.
დღეს, მთავარი პრიორიტეტი უნდა იყოს 12 პუნქტის შესრულება. აქ ,,ქართული ოცნება” უნდა ვაიძულოთ, რომ შესრულდეს 12 რეკომენდაცია. იმისთვის, რომ ქვეყანამ სტატუსი მიიღოს და შესაძლებლობა გვქონდეს იმის, რომ ჩატარდეს სამართლიანი და თავისუფალი არჩევნები, უკვე ასეთ ვითარებაში”, – განაცხადა ხათუნა სამნიძემ.
ავტორი
ნინი ხიჯაკაძე
