გუშინ, პარლამენტთან მომხდარ ფაქტს, რა დროსაც ,,ალტ-ინფოს“ დაჯგუფების წევრებმა ევროკავშირის დროშა ჩამოხსნა და დაწვა, ეხმიანება საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე:
,,რადიკალიზაციას ხელს უწყობს ,,ქართული ოცნება“ თავისი განცხადებებით. ,,ალტ-ინფო“, ,,ხალხის ძალა“, ,,ქართული ოცნება“ – ერთი ხელის სხვადასხვა თითებია. სიძულვილის ჯგუფები წახალისებულია ხელისუფლების მიერ.
ვინც ხევს და წვავს ევროკავშირის დროშას, უფლებას თუ მივცემთ, სიამოვნებით, ხელმეორედ ააფრიალებს თბილისის თავზე რუსეთის დროშას. ამის უფლება მათ არ უნდა მივცეთ. ისინი არიან ცოტა და ამასთან ერთად არიან ნაძირლები“, – განაცხადა პაატა მანჯგალაძემ.
ავტორი
ნინი ხიჯაკაძე
