ვიცე-პრემიერი, კულტურის, სპორტისა და ახალგაზრდობის მინისტრი, თეა წულუკიანი განმარტებებს აკეთებს ,,ხალხის ძალის“ მიერ პარლამენტში ინიცირებული ,,უცხოური გავლენის აგენტების რეესტრის“ კანონპროექტის გაწვევასთან დაკავშირებით. ასევე, თეა წულუკიანი საუბრობს მომავალ თაობასთან დაკავშირებით და მიაჩნია, რომ დღეს, ახალგაზრდები გადაწყვეტილებას წნეხისა და ბულინგის ქვეშ იღებენ. მისი შეფასებით, სიმშვიდისთვის აუცილებელია ინფორმირებული ღირსეული თაობას აღზრდა:
,,ჩემი აზრით, საშუალო და გრძელვადიან პერსპექტივაში, ამ გამოცდილებით ვმსჯელობ, რაც მაქვს – დასანანი, სანანებელი იქნება. არ არის გამორიცხული, რომ ხალხისა და ჩვენი ქვეყნისათვის ჰქონდეს საკმაოდ მძიმე შედეგი.
იმ კონტექსტში ერთად-ერთი სწორი და გონივრული, სახელმწიფოებრივი გადაწყვეტილება იყო კანონის გაწვევა. სხვა გადაწყვეტილება ვერ იქნებოდა მიღებული, მაგრამ შედეგიც ასევე უნდა გვესმოდეს – რა დადგა.
ყველას გვჭირდება უფრო მეტი მუშაობა. აქ არ ვგულისხმობ მხოლოდ პოლიტიკურ ხელისუფლებას – ყველას. პირველ რიგში – პროფესურასა და ლექტორებს, აკადემიურ პერსონალს იმისათვის, რომ როდესაც გავა წლები, ყველა იყოს მშვიდად იმასთან დაკავშირებით, რომ აღზარდა ღირსეული მომავალი თაობა.
ღირსეულ მომავალ თაობაში, პირველ რიგში – იგულისხმება ინფორმირებული მომავალი თაობა, რომელიც შემდეგ ინფორმირებულად, თავისუფლად, დამოუკიდებლად და არა ვინმეს წნეხის ან ბულინგის ქვეშ, მიიღებს, ამის ღრმა რწმენა მე მაქვს, საქართველოსთვის საჭირო და აუცილებელ გადაწყვეტილებას.
პრობლემა არის, როდესაც ის არ არის ინფორმირებული ან იმყოფება გაუგონარი და არნახული წნეხის ქვეშ, როგორც ეს ჩვენ ვნახეთ“, – განაცხადა თეა წულუკიანმა.
ავტორი
ნინი ხიჯაკაძე
