ოპოზიციური სპექტრის კონსულტაციები პარლამენტში მიმდინარეობს, რათა არ იქნას მიღებული ,,ხალხის ძალის“ ე.წ. ,,უცხოური გალენის აგენტების რეესტრის“ კანონპროექტი. აღნიშნულ თემაზე ჟურნალისტებთან კომენტარი გააკეთა ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარის მოადგილემ, ლევან ბეჟაშვილმა:
,,იურიდიული კომიტეტის სხდომაზე ოპოზიცია ერთიანი სახით იქნება წარმოდგენილი. იმიტომ, რომ ყველა საპარლამენტო ოპოზიციურ ჯგუფს აქვს ერთი აზრი, რომ არ უნდა დავუშვათ საქართველოში რუსული კანონის მიღება.
,,აგენტების შესახებ“ კანონი არის სულისკვეთებით რუსული კანონი. სწორედ რუსეთში, ამ კანონის საფუძველზე განხორციელდა – რეპრესიები რიგით მოქალაქეებზე, არასამთავრობო ორგანიზაციებზე, დამოუკიდებელ მედიაზე. ეს გზა აქვს არჩეული ,,ქართულ ოცნებას’’.
ამიტომ ჩვენ, საპარლამენტო ოპოზიცია, ვიქნებით ერთიანი! რაც მთავარია – მოვუწოდებთ საქართველოს ყველა მოქალაქეს, არასამთავრობო ორგანიზაციას, დამოუკიდებელ მედია საშუალებას, რომ ხვალ დავდგეთ ერთად, რათა არ დავუშვათ ამ კანონის მიღება და განხილვა“, – განაცხადა ლევან ბეჟაშვილმა.
ავტორი
ნინი ხიჯაკაძე
