მორიგი განმარტებებით, “ხალხის ძალის” მიერ მომზადებულ და პარლამენტში ინიცირებულ კანონპროექტთან დაკავშირებით კონკრეტულ საფრთხეებზე საუბრობს იაგო კაჭკაჭიშვილი, სოციოლოგიის დოქტორი, თბილისის სახელმწიფო უნივერსიტეტში სოციოლოგიისა და სოციალური მუშაობის მიმართულების ხელმძღვანელი სოციალურ და პოლიტიკურ მეცნიერებათა ფაკულტეტზე:
“ეს ყბადაღებული “გამჭვირვალობა” ქოცურ-რუსულად რას ნიშნავს, ხომ ვიცით? – მითხარი, რაში ხარჯავ ფულს, რათა იმაში არ დაგახარჯინო, რაც მე არ მომწონს და არ მაწყობს!
უფასო იურიდიულ კონსულტაციას უწევ ხელისუფლებისგან დაჩაგრულ (მაგალითად, სამსახურიდან გაგდებულ) ადამიანს? – არ მოგცემ ამის უფლებას, რადგან ძალაუფლებას მიზღუდავ!
ამას აქამდეც სულ ამბობდნენ. მაგრამ ახლა კანონით განამტკიცებენ, რათა მათთვის არასასურველი სერვისების მიმწოდებლებზე იძალადონ!” – წერს ფეისბუქის პირად გვერდზე იაგო კაჭკაჭიშვილი.
