საქართველოს პრეზიდენტი, სალომე ზურაბიშვილი მწვავე შეფასებებს აკეთებს პარლამენტში ინიცირებულ კანონპროექტთან დაკავშირებით გაკეთებულ განმარტებებზე. მისი თქმით ყველა ვალდებულია საქართველოს კონსტიტუციის შესაბამისად უზრუნველყოს საქართველოს სრული ინტეგრაცია ევროატლანტიკურ სივრცეში:
“საგანგაშოა პარლამენტის წევრის მიერ კონსტიტუციის საწინააღმდეგო განცხადებების გაკეთება.
ქვეყნის უზენაესი კანონი კონსტიტუციურ ორგანოებს ავალდებულებს ყველა ზომის მიღებას ევროპის კავშირში საქართველოს სრული ინტეგრაციის უზრუნველსაყოფად.
ევროკავშირში და ჩრდილოატლანტიკურ ორგანიზაციაში სრული ინტეგრაცია საქართველოს კონსტიტუციით გაცხადებული მიზანია.
ანტიკონსტიტუციურად უნდა გამოცხადდეს და აიკრძალოს ყველა იმ პოლიტიკური პარტიის საქმიანობა, რომელიც ეწინააღმდეგება კონსტიტუციის პრინციპებს, ჩვენი ქვეყნისა და მოსახლეობის მიერ არჩეულ გზას“, – აცხადებს სალომე ზურაბიშვილი.
