,,ხალხის ძალის“ მიერ ინიცირებულ კანონპროექტზე ,,უცხოური გავლენის აგენტების რეესტრის“ შექმნასა და მის გავლენაზე ქვეყნის ევროპულ კურსთან მიმართებაში, მწვავე შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე:
,,გამჭვირვალობა არ არის მიზანი – ეს არის ფარსი! მთავარი მიზანი არის ევროპული კურსის სა-ბო-ტა-ჟი, ევროპული კურსის ტორპედირება. ჩვენ ვიმუშავეთ დასავლელ პარტნიორებთან არა მხოლოდ ჩვენ, სხვა ოპოზიციურმა პარტიებმაც. ალბათობა იყო, რომ ძალიან მკაცრი არ ყოფილიყო ევროპა შექმნილი გეოპოლიტიკური ვითარების გამო და შეიძლებოდა საქართველოს კიდევ მიეღო კანდიდატის სტატუსი.
როგორც კი ,,ქართული ოცნებისთვის“ ეს ყველაფერი გახდა ცნობილი, მათ დაიწყეს ტორპედირება, საბოტაჟი ამ კანონებით.
თქვენ იცით, პირველი, ასე ვთქვათ – ნაბიჯი იყო ნიკა გვარამიას დაკავება მოლაპარაკების დაწყების წინ, აბსურდული ბრალდებით. ახლა ეს კანონპროექტი არის ამის მყარი მტკიცებულება, რომ ,,ქართულ ოცნებას“ არ უნდა, ქვეყანამ მიიღოს კანდიდატის სტატუსი“, – განაცხადა პაატა მანჯგალაძემ.
ავტორი
ნინი ხიჯაკაძე
