,,სტრატეგია აღმაშენებლის“ თავმჯდომარე გიორგი ვაშაძე მწვავე შეფასებას აკეთებს საქართველოს პარლამენტის თავმჯდომარის, შალვა პაპუაშვილის განცხადებაზე, სადაც საუბარია, რომ საქართველოს ოფიციალური მიწვევა არ მიუღია უკრაინაში ჩასვლასთან დაკავშირებით, ომის დაწყების წლისთავზე:
,,მოწვევა იყო ოფიციალური! თუ ბევრს იკიკინებს ე.წ. პარლამენტის თავმჯდომარე, ზუსტად ამ ტერმინით მოვიხსენიებ მას, წერილის ასლსაც გამოვუქვეყნებ.
იცით, რომ ჩემგან იყო ეს ინფორმაცია. ამიტომ ახლა თავი დაანებონ ამ რაღაცა სისულელეს, რომ ,,წერილი არ იყო, ტელეფონით დაგვირეკესო”. ეს არის ზღაპარი!
სხვათაშორის ტვ ,,პირველის” ეთერში დაადასტურა კიდეც წერილის გამომგზავნმა, უკრაინის მხრიდან, რომელიც არის ევროსაბჭოში დელეგაციის ხელმძღვანელი, რომ მან გამოაგზავნა წერილი.
100 წლის წინ, 25 თებერვალს ზუსტად ასე მოხდა – ჯერ აიღეს უკრაინა, მერე საქართველო. ამ ფონზე ასეთი მტრული დამოკიდებულება, ჩემი აზრით, კატეგორიულად მიუღებელია! უკრაინელები არიან ჩვენი ძმები. ის ფრონტი არის საქართველოს ფრონტი და ჩვენ ერთად გავიმარჯვებთ!”, – განაცხადა გიორგი ვაშაძემ.
ავტორი
ნინი ხიჯაკაძე
