საქართველოს მე-3 პრეზიდენტის ჯანმრთელობის მდგომარეობასა და სამარლებრივ პროცესებზე კომენტარს აკეთებს ადვოკატი შალვა ხაჭაპურიძე. მისი განცხადებით, გამოთხოვილია მიხეილ სააკაშვილის საქმეში არსებული ვიდეო მასალები, სადაც შესაძლოა დაფიქსირებული იყოს ბევრი გულის წასვლის ეპიზოდი:
,,მოსამართლის გადაწყვეტილებას დღეს ველოდებით. დღეს თუ ჩაგვბარდა, 2-3 დღეში ალბათ დავწერთ სააპელაციო საჩივარს და გავასაჩივრებთ, ბუნებრივია.
თვალნათლივ გამომჟღავნდა, გამოაშკარავდა, რომ რასაც ისინი ამბობდნენ, იყო აბსოლუტური სიცრუე. ჩვენ ვამბობდით, რომ ცუდად იყო ეს ადამიანი და მოსამართლემ არ ისურვა, რომ მისულიყო მასთან პალატაში. თუმცა, სააპელაციო სასამართლოში იგივე საკითხს დავაყენებთ.
კიდევ გვაქვს ჩვენ ვიდეო მასალა გამოთხოვილი, დღეს უნდა მივუტანოთ პენიტენციურს. იმიტომ, რომ სრულყოფილად არ მოუციათ. წერილი მომივიდა გუშინ, რომ ვამზადებთო. ამ ვიდეო მასალებშიც უამრავი გულყრის ეპიზოდია.
მაგალითად, 6 ოქტომბრის გულყრის ეპიზოდი არც სააკაშვილს ჰქონდა ჩვენთვის ნათქვამი, ანუ მას ისიც კი არ ახსოვდა, რომ ეს გულყრის ეპიზოდი ჰქონდა და, რაც მთავარია, არც საავადმყოფოს ისტორიაში არსად არ არის დაფიქსირებული. კადრებში იქნა აღმოჩენილი და ამგვარი შეიძლება იყოს ძალიან ბევრი“, – განაცხადა შალვა ხაჭაპირიძემ.
ავტორი
ნინი ხიჯაკაძე
