,,ერთიან ნაციონალურ მოძრაობაში“ ყრილობა ჩატარდა, სადაც ოფიციალურად ლევან ხაბეიშვილი დაინიშნა პარტიის თავმჯდომარედ და დაკომპლექტდა სხვა და სხვა სტრუქტურები. ლევან ხაბეიშვილის განცხადებით, დაიწყება აქტიური მოქმედებები მიხეილ სააკაშვილის გათავისუფლებისთვის:
,,აირჩა ახალი პოლიტიკური საბჭო. ვაკანტური დარჩა პოლიტსაბჭოს უმრავლესობა, რომელიც იქნება არჩევითი და შესაბამისად, ყველას შეუძლია ჩაერთოს ამ შიდაპარტიულ არჩევნებში და მოხვდეს პოლიტიკურ საბჭოში.
ეს გადაწყვეტილებები დაჩქარებული წესით მოხდა იმიტომ, რომ პარტიამ სწრაფად გააგრძელოს ფუნქციონირება და არ შეექმნას, მათ შორის, ბიუროკრატიული პრობლემები.
პირობა მივეცი რაიონული ორგანიზაციების ხელმძღვანელებს, ჩვენს ხალხს – ვინც ელოდება პრეზიდენტ სააკაშვილის თავისუფლებას, ჩვენი ქვეყნის გათავისუფლებას, რომ დავიწყებთ მოქმედებას, გაიხსნება რაიონული ორგანიზაციები…“, – განაცხადა ლევან ხაბეიშვილმა.
ავტორი
ნინი ხიჯაკაძე
