“ნაციონალურ მოძრაობაში” მიმდინარე პროცესებს პესიმისტური პროგნოზებით ეხმაურება პარლამენტის ფრაქცია “ქართული ოცნების” თავმჯდომარის მოადგილე გიორგი ცაგარეიშვილი:
“ძალადობა, რევოლუცია, დამხობა, პარლამენტში შემოვარდნა, ცემა-ტყეპა, უბედურება, ანგარიშსწორება – ეს არის სააკაშვილის მიერ დამკვიდრებული ხელწერა “ნაციონალურ მოძრაობაში”.
როგორც ჩანს მათი გზა ხელისუფლების სათავეებთან გადის მხოლოდ ძალადობაზე. ეს გზა “ნაციონალური მოძრაობის” საბოლოო დაშლისკენ, გაპარტახებისკენ მიიყვანს – მე ამაში ღრმად ვარ დარწმუნებული იმიტომ, რომ შეუძლებელია შენი პარტიული დღის წესრიგი იყოს ასეთი“, – აცხადებს გიორგი ცაგარეიშვილი.
