საქართველოს მე-3 პრეზიდენტის გადამწყვეტი სასამართლო პროცესი ხვალ, 6 თებერვალს გაიმართება. გადაწყვეტილების მოლოდინში კი მიხეილ სააკაშვილის მამა, ნიკოლოზ სააკაშვილი მოსამართლე გიორგი არევაძეს მიმართავს, ამასთან ყველას მოუწოდებს, რომ იფიქრონ საქართველოზე:
,,ყველა არ არის სინდისგარეცხილი. ყველა არ არის უნასუმო და მორალ გარეშე. [მოსამართლემ] შეიძლება გადადგას ეს ნაბიჯი, თუ არ გადადგამს შემდეგ უნდა წავიდეს სასწრაფოდ სტრასბურგში. სტრასბურგში დადებითი შედეგი იქნება და სტრასბურგის პარალელურად უნდა მისდევდეს ზეწოლა საერთაშორისო ორგანიზაციებიდან.
მე რომ ვიყო, მაგალითად, კომისიის რაღაცის თავმჯდომარე – ესე [ჟესტით ახდენს დემონსტრირებას] მოვუწერდი ხელს. მიშას კი არა, ნებისმიერს.
მინდა, მივმართო ყველას – იფიქრეთ საქართველოზე! მიშას დაინვალიდება, ღმერთმა არ ქნას დაღუპვა, ძალიან ბევრ უკუპროცესებს გამოიწვევს…
ამ დროს, როდესაც ასეთი კაცია დასახსნელი, შინაურშიც უნდა იყოს ერთიანობა. აი, ეს მწყინს. არის – მე იქით, შენ იქით, ან შენ ეს გინდა, მე ის არ მინდა. გაერთიანდით, მიიყვანეთ საქმე ბოლომდე და მერე დაჯექით – ენა, აზროვნება იმისთვის არის, რომ არცერთ ამათგანს არ აკლია არ აკლია არც ლოგიკა, არც განათლება. მოილაპარაკეთ და გაინაწილეთ – ქვეყნისთვის იზრუნეთ, ხალხო, ქვეყნისთვის!
ყველა დამშვიდდეს. მე ნამდვილად ვიცი ერთი რამ, მიშა არ აპირებს ქართულ პოლიტიკაში ჩაბმას. ჩვენ გვქონდა ლაპარაკი – ,,მე ქართულ პოლიტიკაში არასოდეს აღარ ვიქნები, ძალიან ნაწყენი ვარ“, – განაცხადა ნიკოლოზ სააკაშვილმა.
ავტორი
ნინი ხიჯაკაძე
