იურისტი, საჯარო მმართველობის დოქტორი, მოძრაობა “ხალხის ძალასთან” დაკავშირებული ექსპერტი, თამთა მეგრელიშვილი მწვავე შეფასებებს აკეთებს მიხეილ სააკაშვილის გათავისუფლებასთან დაკავშირებით გამოთქმული ცალკეული მოსაზრებების გამო:
“ყოფილი ნაპრეზიდენტალის პოლიტიკურ ისტერიკებს “ნაციონალური მოძრაობის”, ამ ძალადობისაკენ მიდრეკილი ექსტრემისტების, საყოველთაო აგრესიული ტონალობა ერთვის თან.
ეს პათოლოგიური საზოგადოება, ინტელექტუალური რეგრესის პირობებში, ანტისახელმწიფოებრივ, ანტიკონსტიტუციურ მოწოდებებზე გადავიდა.
პოლიტიკური კურთხევა დედა დედოფალმა, გიული ალასანიამ, უკვე გასცა – ის მზადაა, მიხეილ სააკაშვილის სამართლისაგან გამოსახსნელად, ჩაერთოს ყველა ანტისახელმწიფოებრივ ქმედებაში, როგორებიცაა: სამოქალაქო დაპირისპირება, რევოლუცია, სახელმწიფო გადატრიალება, მასობრივი სისხლისღვრა.
“დიახ, ყველანაირი ფორმა მისაღებია” – გიული ალასანია!
მინაწერი: ქალბატონო გიული, შეგახსენებთ, რომ თქვენ ცხოვრობთ სამართლებრივ სახელმწიფოში, სადაც ამგვარი მოწოდებები გნებავთ ინიციატივები ისჯება ქართული კანონმდებლობით.
შეეგუეთ, რომ ქართულ მართლმსაჯულებასთან თქვენი ნაპრეზიდენტალი შვილის პოლიტიკური ისტერიკები უადგილო და უპერსპექტივოა.
თქვენ წარმოიდგინეთ და კანონთან თქვენი პათოლოგიური მიდგომები დასჯადია!” – წერს ფეისბუქის პირად გვერდზე თამთა მეგრელიშვილი.
