“სტრატეგია აღმაშენებლის” თავმჯდომარე აშშ-ს სახელმწიფო დეპარტამენტის განცხადებას ეხმიანება. როგორც გიორგი ვაშაძე აცხადებს თუ სანქცირებულ ქვეყანას სანქციების გვერდის ავლაში დაეხმარებიან, კომპანიები თავად დასანქცირდებიან დახმარებისა და ხელშეწყობისთვის:
“ძალიან კონკრეტულია პოზიცია – შენ თუ სანქცირებულ ქვეყანას, სანქციების გვერდის ავლაში ეხმარები, სანქციების ქვეშ მოექცევა ის კომპანიები, რომელიც ამას აკეთებენ. ამიტომ, მე ვფიქრობ რომ ძალიან მკაფიოა, კიდევ ერთხელ ვამბობ, რომ ცივილიზირებული სამყარო გეუბნება: გინდა ევროკავშირი, რომ მეტი ინვესტიციები მიიღო? მეტი სამუშაო ადგილები შექმნა? ყველაფერი გააკეთო, ხომ გინდა ევროკავშირი, ხომ გინდა ნატოს უსაფრთხოება და ხომ გინდა ჩემგან ინვესტიციები და ყოველწლიურად მილიარდები, რომელსაც მე გაძლევ იმისთვის, რომ ეკონომიკა რამენაირად შეინახო, იმიტომ რომ სუსტი ხარ, მაშინ ასეთ შემთხვევაში შენ ჩემ მტერს არ უნდა მიეხმარო.
სანამ „ქართულ ოცნებას“ არჩული აქვს პოლიტიკა, რომ მტერთან საუბრობს, თანამშრომლობს და ეხმარება, მანამ, ეს ქვეყანა წინ ვერ წავა აქედან გამომდინარეობს ეს განცხადებები, რომელიც მკაფიო და ძალიან ცალსახაა”, – აცხადებს გიორგი ვაშაძე.
პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
