საქართველოს მე-3 პრეზიდენტის მძიმე ჯანმრთლობის მდგომარეობაზე საქალაქო სასამართლოსთან ემოციურ კომენტარს აკეთებს მიხეილ სააკაშვილის ძმა, გიორგი სააკაშვილი. მისი განცხადებით, თუ დროული რეაგირება არ მოხდება, საქართველოს მე-3 პრეზიდენტის სიცოცხლე შეიძლება ფატალურად დასრულდეს:
,,ეს არ არის მკურნალობა. აღიარეთ, რომ საქართველოში მიშას მკურნალობა ვერ ხერხდება შესაბამის დონეზე. თუნდაც, მაგალითად, იმის დამოწმებაც არის, რომ რეანიმაციაში არ გადაჰყავთ. იქიდან გამომდინარე, რომ რეანიმაციაში რომ იქნას გადაყვანილი ერთი დღე, მაშინ მოსამართლემ იმწუთსავე უნდა მიიღოს გადაწყვეტილება, ვინაიდან უკვე მკაფიო ხდება, რომ მიშა მართლა სიცოცხლეს ამთავრებს ძალიან ცუდად.
ამიტომ კიდევ ერთხელ მივმართავ, რომ დადექით ექიმები, ყველა დადექით ჩვენ გვერდით. რას ვითხოვთ, რომ ადამიანის სიცოხლე გადავარჩინოთ, მეტს ხომ არაფერს?! როდემდე უნდა გრძელდებოდეს ეს შოუ, მართლა?!
ეს სასამართლო, მე არ ვიცი უკვე, მე-2 თუ მე-3 თვეა მიმდინარეობს და შეიძლება კიდევ 3 თვე გაგრძელდეს. მერე ყველანი გავხდებით სიკვდილის თანამონაწილეები…“, – განაცხადა გიორგი სააკაშვილმა.
ავტორი
ნინი ხიჯაკაძე
