“მიხეილ სააკაშვილი უსაფუძვლოდ არაფერს არ იძახის” – კობა ნაყოფია

,,ერთიანი ნაციონალური მოძრაობის” პოლიტიკური საბჭოს თავმჯდომარე კობა ნაყოფია სპეციალურ ბრიფინგზე განცხადებას აკეთებს მიხეილ სააკაშვილის მიერ გერმანულ ავტორიტეტულ გამომცემლობა “შპიგელისთვის” მიცემულ ინტერვიუსთან  დაკავშირებით. ოპოზიციონერი ლიდერის განმარტებით, საქართველოს მე-3 პრეზიდენტმა უკეთ იცის როდის რა განცხადება უნდა გააკეთოს:

,,მიხეილ სააკაშვილი რას გულისხმობდა, მე დარწმუნებული ვარ, რომ თვითონ აუცილებლად განმარტავს ამას. მე არ მინდა ჩემი ვარაუდები ვთქვა. ვარაუდებით ასეთი მძიმე ბრალდებებზე, მეგობრებო, საუბარი არ შეიძლება. არცერთი ჩემი კოლეგა და არცერთი ჩვენი თანამებრძოლი მე არ მინდა, არაფერში ისეთში დავადანაშაულო, რომლის შესახებაც ინფორმაცია არ მაქვს.

მიხეილ სააკაშვილი უსაფუძვლოდ არაფერს არ იძახის, თქვენ კარგად მოგეხსენებათ. ის საკმაოდ ინფორმირებული და დაკვირვებული ადამიანია. მას გამოცდილებაც საკმაოდ გააჩნია, რომ ესა თუ ის განცხადება როდის, როგორ, რატომ გააკეთოს…”, – განაცხადა კობა ნაყოფიამ.

ავტორი
ნინი ხიჯაკაძე