“არცერთ შეთხვევაში ექიმის, ექთნის მიერ დაფიქსირებული გონების კარგვის ეპიზოდი არ ყოფილა” – ზურაბ ჩხაიძე მიხეილ სააკაშვილზე

კლინიკა ,,ვივამედის“ კლინიკური დირექტორი ზურაბ ჩხაიძე ჟურნალისტებთან კომენტარს აკეთებს საქართველოს მე-3 პრეზიდენტის ჯანმრთელობის მდგომარეობაზე. მისი განცხადებით, ბოლო პერიოდში გავრცელებული ინფორმაციები – მიხეილ სააკაშვილის გონების დაკარგვის ეპიზოდებთან დაკავშირებით, სიმართლეს არ შეესაბამება:

,,ტემპერატურული რეაქცია არ აღენიშნება პაციენტს. აქედან გამომდინარე, რაც განაცხადა ადვოკატმა, რომ სარეანიმაციო პაციენტია – ეს არის ადვოკატის ხედვა.

პარამეტრები არანარაირად არ შეესაბამება კრიტიკულ დეპარტამენტში გადაყვანას. ამიტომ პაციენტი აგრძელებს მკურნალობას პალატაში. რაც შეეხება კოვიდს – მიმდინარეობს მსუბუქი ფორმით.

რაც შეეხება გონების კარგვის ეპიზოდებს – ეს რამდენიმე დღეა ჟღერდება, არ ვიცი რატომ! არცერთ შეთხვევაში ექიმის, ექთნის მიერ დაფიქსირებული გონების კარგვის ეპიზოდი არ ყოფილა“, – განაცხადა ზურაბ ჩხაიძემ.

ავტორი
ნინი ხიჯაკაძე