უკრაინის ხელისუფლებაში აცხადებენ, რომ რუსეთ-საქართველოს პირდაპირი ფრენების აღდგენა უკრაინის მოსალეობის სიცოცხლეს რისკის ქვეშ აყენებს და შესაძლოა, საქართველოში მყოფი უკრაინელების ევაკუაციაზეც იფიქრონ, რაზეც ისაუბრა ასევე საქართველოში უკრაინის საქმეთა დროებითმა რწმუნებულმა ანდრეი კასიანოვმაც. უკრაინის მხარის ასეთ პოზიციაზე პოლიტიკურ შეფასებებს აკეთებს საპარლამენტო უმრავლესობის წევრი, რატი იონათამიშვილი:
,,რუსეთი რომ გააქტიურებდა საქართველოს მიმართ ჰიბრიდული ომის გზებს – ეს, ცხადია, მოსალოდნელი იყო, მაგრამ ამის ნარატივში თუ ჩაჯდებოდა ბატონი კასიანოვიც, ეს ცოტა უცნაურია.
ასევე, მინდა, შევახსენო ყველას, რომ მაგალითად, უკრაინას ბელარუსიდან ელჩი არ ჰყავს გამოწვეული. ეს კიდევ უფრო გაუგებარია, რასაკვირველია.
ყველას მინდა შევახსენო, რომ საქართველო არის ღირსებით სავსე ქვეყანა და არავის აქვს უფლება, რომ ჩვენ შესაბამისად არ გვესაუბროს. ჩვენ ვართ ის ქვეყანა, რომელიც ამაყობს თუნდაც იმით, რომ რუსეთი ჰყავს დამარცხებული, როგორც სტრასბურგში, ასევე ჰააგაში და მეტი პატივისცემა მართებს, აღარ ვსაუბრობ დიპლომატიურ სტანდარტზე, ყველას, როდესაც საქართველოზე დაიწყებს საუბარს“,- განაცხადა რატი იონათამიშვილმა.
ავტორი
ნინი ხიჯაკაძე
