ანალიტიკოსი გია ხუხაშვილი, გმირობის ფენომენთან დაკავშირებით, კონკრეტულ შეფასება-შედარებას ახდენს და საზოგადოების პასუხისმგებლობაზე აკეთებს აქცენტს:
“რიგითი მეომარი გმირია, თუ ის პირადი თავგანწირვის მაგალითს აჩვენებს, ან გაიმარჯვებს კონკრეტულ ბრძოლაში.
მმართველის გმირობა, არ იზომება პირადი სიმამაცით, ან თუნდაც ბრძოლაში გამარჯვებით, რამდენი ბრძოლაც არ უნდა მოიგოს. მისი გმირობის ერთადერთი კრიტერიუმია არა ბრძოლებში, არამედ ომში გამარჯვება, რომელიც მთელი მისი ცხოვრების განმავლობაში გრძელდება. საზომი კი ის მემკვიდრეობაა, რომელსაც ტოვებს წასვლის შემდეგ.
საზოგადოება, რომელსაც ეს არ ესმის, უმწიფარია, რადგან მუდმივად ეძებს თავგანწირვას და არა სიბრძნეს.
ასეთი საზოგადოება იგებს კონკრეტულ ბრძოლებს, მაგრამ აგებს ომებს…“, – წერს ფეისბუქის პირად გვერდზე გია ხუხაშვილი.
