“როცა მტერი გაქებს, მეგობარი გეუბნება საყვედურს და არის ნაწყენი, უნდა დავფიქრდეთ – იქნება მართლა არასწორი გზით მივდივართ…” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე პოლიტიკურ შეფასებას აკეთებს რუსეთის საგარეო საქმეთა მინისტრის, სერგეი ლავროვის პოზიტიურ განცხადებაზე საქართველოსთან დაკავშირებით. ოპოზიციონერი ლიდერის განცხადებით, დროა დაფიქრების, თუ რატომ მოსწონს მტერ ქვეყანას საქართველოს ხელისუფლების პოზიცია და განხორციელებული პოლიტიკა:

,,2008 წელს წარმოგიდგენიათ, უკრაინის პრეზიდენტი ნაცვლად თბილისში ჩამოსვლისა, დარჩენილიყო კიევში, იუშენკოს ვგულისხმობ, და პუტინის მადლობებისთვის მადლობით ეპასუხა?!

აი, ასეთი მავნებელი ხალხი გვყავს. მეტი რა უნდა ვთქვათ?

თქვენ გგონიათ, რომ ,,ეფესბეს”, რუსეთის აგენტობა და რუსეთის წარმომადგენლობა ნიშნავს, რომ კობახიძეს დაინახავთ ,,ეფესბეს” მაისურით ჩაცმულს?! ასეთი რამ არ მოხდება!

ანალიზი უნდა გავაკეთოთ, უნდა დავფიქრდეთ, რატომ ხდება, რომ მოვწონვართ მტერს?! როცა მტერი გაქებს, მეგობარი გეუბნება საყვედურს და არის ნაწყენი, უნდა დავფიქრდეთ – იქნება მართლა არასწორი გზით მივდივართ! ხელისუფლება ამას აკეთებს შეგნებულად. ეს არ არის შეცდომა…”, – განაცხადა პაატა მანჯგალაძემ.

ავტორი
ნინი ხიჯაკაძე