პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე პოლიტიკურ შეფასებას აკეთებს კონკრეტულ ინიციატივასთან დაკავშირებით ,,ნაციონალური მოძრაობის” მიერ პარლამენტის დატოვების თაობაზე:
,,მე მგონია, რომ ქალბატონმა ნონამ შეცდომა დაუშვა, როდესაც პარლამენტიდან გავიდა, მიუხედავად იმისა, რომ მას რამდენიმე თვიანი საპარლამენტო მოღვაწეობისა, მაინც და მაინც არაფერი მნიშვნელოვანი არ გაუკეთებია, გარდა იმისა, რომ რამდენიმე ოდიოზური ნაბიჯით დაამახსოვრა საზოგადოებას თავი.
მიუხედავად ამისა, როგორც ჩანს, ის აღიქვამს საკუთარ შეცდომას და მცდარ დამოკიდებულებას, ზოგადად, საპარლამენტო მოღვაწეობაში ოპოზიციის ჩართულობასთან დაკავშირებით. ახლა ცდილობს, რომ რაღაცნაირად მომხრეები შეიამხანაგოს ამ მიმართულებით.
თუმცა, ეს არ მგონია, რომ სწორი მიმართულება იყოს იმიტომ, რომ არ მგონია, უმრავლესობაში იყოს, მათ შორის, მისსავე მომხრეებში ამ თვალსაზრისით და შეძლოს, რომ პოპულარული გახადოს იდეა ოპოზიციის მხრიდან საპარლამენტო მუშაობის ბოიკოტირებასთან დაკავშირებით”, – განაცხადა მიხეილ სარჯველაძემ.
ინფორმაციისთვის: ,,ნაციონალური მოძრაობის” თავმჯდომარეობის კანდიდატი ნონა მამულაშვილი, რომელმაც რამდენიმე თვის წინ დატოვა პარლამენტი, მიიჩნევს და ინიციატივას აყენებს პარტიის მიერ პარლამენტის დატოვებასთან დაკავშირებით.
