საგარეჯოში მომხდარ მძიმე კრიმინალურ და ტრაგიკულ ფაქტთან დაკავშირებით გარდაცვლილთა ოჯახის წევრებს და ახლობლებს “სტრატეგია აღმაშენებლის” თავმჯდომარე გიორგი ვაშაძე სამძიმარს უცხადებს:
“ღრმა მწუხარებას გამოვთქვამ საგარეჯოში დატრიალებული საზარელი ტრაგედიის გამო.
ვუსამძიმრებ გარდაცვლილ მოქალაქეთა და გმირი პოლიციელის ოჯახის წევრებს, ახლობლებს და მთელს საქართველოს.
მთელი ქვეყანა შეძრა ამ საშინელმა ფაქტმა.
გამოჯანმრთელება მინდა ვუსურვო დაჭრილ მოქალაქეებს” – მიმართავს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
