ანალიტიკოსი ზაალ ანჯაფარიძე საგარეჯოში მომხდარ ტრაგედიას ეხმაურება და ერთგვარ შედარებას ახდენს დასავლეთის ქვეყნებთან მიმართებაში:
“აჰა, მოვიდა ჩვენთანაც ის მოვლენა, რაც ძლიერი, განვითარებული, დაპურებულ-დალხინებული დასავლური სამყაროს ცხოვრების ნაწილია.
რამდენჯერ გაგვიგია და დაგვიწერია, რომ ევროპაში თუ ამერიკაში შეიარაღებულმა მავანმა ამდენი და ამდენი მოკლა. და ეხლა ეს დევიანტური ქცევა, რომელმაც ასეთი ტრაგედია დაატრიალა, უკვე ჩვენც გვეწვია.
და როგორც ადრე, დაბარებულივით, კუბოს გვირგვინივით გამოჩნდა ცნობილი შემადგენლობა, და ჩვეულ სტილში დაიწყეს ტრაგედიაზე სამარცხვინოდ პოლიტიკური ქულების დაწერა. გამოძიებამ სასწრაფოდ უნდა დაადგინოს ყველაფერი და განსაკუთრებით ის, რომ უკვე პირველი შემთხვევა არაა როდესაც სამსახურიდან წასულ სპეცრაზმელებს იარაღის მთელი არსენალი აღმოაჩნდებათ ხოლმე.
ვუსამძიმრებ დაღუპულთა ოჯახებს!” – წერს ფეისბუქის პირად გვერდზე ზაალ ანჯაფარიძე.
