ბოლო ხანებში გავრცელებული რამდენიმე ფარული უკანონო ჩანაწერების გავრცელების ფაქტს ეხმაურება საპარლამენტო უმრავლესობის წევრი ირაკლი ზარქუა და მწვავე შეფასებებს აკეთებს “ნაციონალურ მოძრაობასთან” მიმარეთებით:
“ისევ გრძელდება ეს კომედი შოუ და თუ არ ვცდები, იმ კვირაში ბატონი მელია აპირებს უკვე ამაზე ვრცლად ილაპარაკოს, ალბათ და გამოიტანს ყველა ინფორმაციას და იმ სიახლეებს, რაც ხდება მათ პარტიაში.
რაც ხდება, ეს უკვე გავიგეთ, ყველამ ვიცით – მარაზმი, ერთმანეთის შანტაჟი, ერთმანეთთან კომპრომატებით ბრძოლა ხდება.
აი ეს არის, რასაც აკეთებდნენ ხელისუფლებაში ყოფნის დროს, ჩვენი საზოგადოების მიმართ… ახლა ამას ვერ აკეთებენ, იმიტომ რომ ჩვენ ავკრძალეთ ეს და არ ვუშვებთ ამ დონეზე, ერთმანეთს დაუწყეს… ეს არის, რაც არის გამოხატული, რაც საზოგადოებამ ნახა, სამარცხვინო თემა მეტი არაფერი, ამაზე სერიოზულ კომენტარს ვერც გავაკეთებ,” – განაცხადა ირაკლი ზარქუამ.
