,,მაგნიტსკის სიის“ ქართული ვერსიიის მომზადებაში მიხეილ სააკაშვილის ადვოკატები და ოპოზიციის წარმომადგენლები იღებენ მონაწილეობას. თუ ვინ უნდა მოხვდეს აღნიშნულ სიაში, ამასთან დაკავშირებით კომენტარს აკეთებს ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარე, ხატია დეკანოიძე:
,,მაგნისტსკის სიაზე“ მიერთებული უნდა იყვნენ ის ადამიანები, ვინც უშუალოდ ჩაიდინა დანაშაული და ადამიანის უფლებების კონვენციები დაარღვია.
იუსტიციის მინისტრი, კონკრეტულად, რომელიც ჩართული იყო, ასე ვთქვათ – არაჰუმანურ მოპყრობაში მიხეილ სააკაშვილის მიმართ. უშუალოდ პასუხისმგებელი იყო მე-3 პრეზიდენტთან დაკავშირებული კადრების გავრცელებაზე, რაც ადამიანის უფლებების კონვენციის დარღვევაა მის მიერ.
ამიტომ მე ყველა მასალას, ჩვენს მოსაზრებას, რაც არის, რა თქმა უნდა, გადავცემ უფლებადამცველებს. მათთან კოორდინაცია გვექნება, მაგრამ უფლებადამცველების ძირითადი ფუნქცია, ეს არის ზუსტად ,,მაგნიტსკის სიაზე“ მუშაობა“, – განაცხადა ხატია დეკანოიძემ.
ავტორი
ნინი ხიჯაკაძე
