“ერთიანი ნაციონალური მოძრაობის” წევრი, უკრაინაში მებრძოლი კობა ხაბაზი სოციალურ ქსელში, კიევში მომხდარ მასთან მიმართებაში ერთი ფაქტის თაობაზე წერს და კონკრეტულ პოზიციას აფიქსირებს მშვიდობასთან მიმართებაში:
“როცა უკრაინაში დავბრუნდი, მაიდანზე უკრაინის თავისუფლებისთვის ბრძოლაში გმირულად დაღუპული დათო ყიფიანის მემორიალი მოვინახულე და დათოს პირობა მივეცი, რომ მის ბრძოლას გავაგრძელებდი.
ათიოდე ნაბიჯის შემდეგ, თითქოს ჩემი და დათოს უტყვი საუბრის დასტურად, ორი მტრედი მოფრინდა…
მტრედებსაც იგივე გავუმეორე:
რომ ბოროტებასთან თანაცხოვრებაში მყოფი მშვიდობა სიბილწეა;
რომ ნამდვილი მშვიდობა მხოლოდ ბოროტებაზე გამარჯვებით მიიღწევა;
რომ ნამდვილი მშვიდობა მხოლოდ ბოროტის ძლევას მოაქვს;
რომ ჭეშმარიტი მშვიდობა თავისუფლებაშია.
შთაბეჭდილება დამრჩა, რომ დამეთანხმნენ…
ჩემო საქართველო, ახალ წელს გილოცავ!
ბოროტების დამარცხება, ტერიტორიული მთლინობის აღდგენა და ღირსეული თავისუფლება დაგბედებოდეს ჩემო საქართველო“, – წერს ფეისბუქის პირად გვერდზე კობა ხაბაზი.
