პარტია “სტრატეგია აღმაშენებლის” თავმჯდომარე, გიორგი ვაშაძე “The Washington Post”-ში გამოქვეყნებულ ამერიკელი დიპლომატის მაიკლ მაკფოლის წერილს ეხმაურება და სტრატეგიული პარტნიორების მხრიდან საქართველოს ხელისუფლებასთან მიმართებაში ახალი ეტაპის დაწყების თაობაზე აკეთებს მინიშნებას:
“დილიდან უამრავი მეილი და სატელეფონო ზარი მივიღე ამერიკიდან.
მათ, ვინც აგდებულად ეპყრობა მაკფოლის სტატიას უნდა გესმოდეთ, რომ ეს, ქოც მთავრობასთან, დასავლეთის დამოკიდებულების ახალი ეტაპია.
დიდხანს, უკრაინაში ომის გამო, ჩვენი დასავლელი მეგობრები სათანადო რეაგირებას ვერ ახდენდნენ ქოც მთავრობის ანტიქართულ და ანტიდასავლურ განცხადებებსა და ქმედებებზე, ახლა უკვე ეს ვეღარ გაგივათ!
ახლოვდება რუსეთის და რუსეთუმეთა განკითხვის დღე!
ჩვენ, როგორც თავისუფლების მოყვარული კეთილი ლიბერალები, მაინც შეგინდობთ!
თუმცა, დროზე უნდა დაფიქრდეთ, თორემ მერე ჩვენს ძალებს შეიძლება აღემატებოდეს თქვენი გადარჩენა!
ქართველი ხალხი თავის ისტორიულ სიტყვას იტყვის ამ გამარჯვებაში!“ – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
