ამერიკელმა დიპლომატი, რუსეთში აშშ-ს ყოფილი ელჩი, უკრაინის პრეზიდენტის ოფისთან არსებული რუსეთის სანქციების ჯგუფის კოორდინატორი მაიკლ მაკფოლი ამერიკულ გავლენიან გამოცემაში, ,,The Washington Post”-ში ვრცელ წერილს აქვეყნებს სათაურით – ,,მსოფლიომ არ უნდა დაუშვას, რომ საქართველოს ექსპრეზიდენტი პატიმრობაში მოკვდეს“. მაკფოლი აღნიშნავს, რომ საქართველოს მე-3 პრეზიდენტმა დაუშვა შეცდომები, მაგრამ მიხეილ სააკაშვილის მიღწევები იყო ისტორიული მნიშვნელობის:
,,სააკაშვილმა და მისმა გუნდმა განახორციელეს მასშტაბური ადმინისტრაციული და ეკონომიკური რეფორმები პოსტსაბჭოთა სივრცეში. მნიშვნელოვანია, რომ მისი მეორე საპრეზიდენტო ვადის ბოლოს, სააკაშვილმა უზრუნველყო მშვიდობიანი არჩევნების გზით ძალაუფლების გადაცემა. სწორედ ამას აკეთებენ დემოკრატები.
დასავლეთის დემოკრატიული ლიდერები სააკაშვილს მიიჩნევდნენ, როგორც შთამაგონებელ დემოკრატსა და ეფექტურ რეფორმატორს. “ვარდების რევოლუციაში” წარმატებით გამოყენებული ზოგიერთი მეთოდი მომდევნო წელს განმეორდა უკრაინის “ნარინჯისფერ რევოლუციაში”.
პრეზიდენტმა ჯორჯ ბუშმა მჭიდრო პირადი ურთიერთობა დაამყარა სააკაშვილთან, თბილისის ცენტრში ერთ-ერთ მთავარ ქუჩას აშშ-ის პრეზიდენტის სახელი ჰქვია. ვიცე-პრეზიდენტობის პერიოდში, ჯო ბაიდენი, ასევე, აღფრთოვანებული იყო ქართველი ლიდერით. (მათი ურთიერთობის მომსწრე გავხდი, როცა ბაიდენს ვახლდი საქართველოში 2009 წელს, როგორც ეროვნული უშიშროების საბჭოს თანამდებობის პირი). პატივისცემა იყო გულწრფელი.
სააკაშვილი არ იყო სრულყოფილი, მან შეცდომები დაუშვა, მაგრამ მისი, როგორც ქართული დემოკრატიის მამის, მიღწევები ისტორიული მნიშვნელობის იყო“, – აღნიშნავს მაიკლ მაკფოლი.
ავტორი
ნინი ხიჯაკაძე
